Ná die hulpwerkwoord "moes" word die onverboë vorm van die werkwoord gebruik.
Sien ook die bladsy Verlede tyd.

Waar sekere klanke in 'n woord (verkeerdelik) bygevoeg word, noem ons dit klanktoevoeging.
Sien ook die bladsy Invoeging van konsonante of vokale.

Die woorddeel "reuse-" is nie 'n byvoeglike naamwoord nie, maar eerder 'n woorddeel van 'n selfstandige naamwoord. Om dit te bewys kan ons sien dat "reuse-" nie in die toets van 'n byvoeglike naamwoord val nie in die sin dat dit nie na 'n koppelwerkwoord kan staan nie. Byvoorbeeld, 'n mens kan nie sê die fout is "reuse" nie. Dit het ook nie trappe van vergelyking nie.

Sien ook die bladsy Woordsoorte.

Die woord "destyds" is 'n samestelling van die genitief (van die) "des" en "tyd" en word vas geskryf. Hoewel ons nie meer naamvalle in Afrikaans kry nie, kom dit nog in enkele vaste uitdrukkings voor, byvoorbeeld "destyds", "kind des doods" en "te gelegener tyd". Hierdie uitdrukkings moet gewoon geleer word.
Sien ook die bladsy Vertaling en terminologie.