'n "Nis" is 'n spesialisgebied, die area waarin iemand 'n kundige is. Oorspronklik het die woord "nis" verwys na 'n holte in 'n muur. Metafories verwys 'n spesialis se nis dus na daardie holte wat hy/sy vir hom/haar uitgekap het.
Sien ook die bladsy Meervoudsvorme.

Indien die basis eindig op 'n enkele konsonantletter, voorafgegaan deur 'n lang, beklemtoonde vokaal, word daardie konsonantletter nie in afleidings van die basisvorm verdubbel nie.
Sien ook die bladsy Konsonantverdubbeling.

Die begrip "regop enkeldeurkoelkaste" is nie 'n samestellende samestelling nie, aangesien die byvoeglike naamwoord "regop" na die stam van die woord "kas" verwys. Die begrip word dus los geskryf.
Sien ook die bladsy Samestellende samestellings.

Die woord "meteoor" verwys na 'n klein hemelliggaam oftewel "meteoroïed" wat reeds die aarde se atmosfeer binnegedring het. 'n Ander benaming vir 'n "meteoor" is "'n vallende of verskietende ster". Die woord "meteoriet" verwys na 'n rotsagtige voorwerp wat uit die oorblyfsels van 'n meteoroïed bestaan wat na die aarde geval het.
(Bron: Skryf Afrikaans A to Z)
Sien ook die bladsy Twyfelwoorde (mits vs tensy).