Homonieme is woorde met dieselfde uitspraak en spelling, maar verskillende betekenisse. In die eerste voorbeeldsin beteken die woord "woel" 'onrustig wees'; in die tweede sin beteken dit 'pla' of 'lastig val'. (Bron: HAT)
Sien ook die bladsy Homonieme.

Sommige werkwoorde wat uit meer as een lettergreep bestaan en waarvan die klem nie op die eerste lettergreep val nie, kan met ’n “ge-“ of daarsonder in die verlede tyd geskryf word (AWS 19.1a).
Sien ook die bladsy Verlede tyd.

By dubbelloopname en -vanne, dit wil sê name en vanne wat bestaan uit twee dele wat met 'n koppelteken verbind word, begin elke deel van die gekoppelde voornaam of van gewoonlik met 'n hoofletter. Ofskoon 'n mens ook die spelling "Annamart" teenkom, is dié aktrise se naam 'n dubbelloopnaam.
Sien ook die bladsy Hoof- of kleinletter.

'n Selfstandige naamwoord verwys na 'n persoon, plek, saak, eienskap of gebeurtenis. 'n Mens kan dit uitken deurdat 'n mens 'n lidwoord ('n of die) voor die woord kan sit en dat dit 'n meervoudsvorm het. Byvoorbeeld: "setel - die setel - setels".
Sien ook die bladsy Woordsoorte.