Soortname is selfstandige naamwoorde wat konkrete dinge benoem en getel kan word, byvoorbeeld "fraiing", "tafel", "motor" en "telefoon". Soortname begin gewoonlik met 'n kleinletter, teenoor eiename wat met 'n hoofletter begin.
Sien ook die bladsy Woordsoorte.

"Welding" is 'sweis' en "rods" is 'stawe'. In Afrikaans word woorde wat uit meer as een woorddeel (morfeme) bestaan, altyd vas geskryf. Daarom sal dit "sweisstawe" en nié "sweis stawe" wees nie.
Sien ook die bladsy Samestellings.

Trappe van vergelyking volg gewoonlik ’n gevestigde patroon: Daar is die stellende trap, byvoorbeeld “merkwaardige”, die vergrotende trap, byvoorbeeld “merkwaardiger” en die oortreffende trap, byvoorbeeld “die merkwaardigste”.
Sien ook die bladsy Trappe van vergelyking.

Dieregeluide is woorde wat gebruik word om die geluide wat diere maak te beskryf. Die woorde is dikwels klanknabootsend van die klank wat die dier maak, maar nie altyd nie:
'n "renoster" 'snork'
'n "perd" 'runnik'
'n "skaap" 'blêr'
'n "beer" 'brom'.
Sien ook die bladsy Dieregeluide.