’n Selfstandige naamwoord verwys na ’n persoon, plek of saak. ’n Mens kan dit gewoonlik uitken deurdat ’n mens ’n lidwoord (“’n” of “die”) voor die woord kan sit en dat dit 'n meervoudsvorm het. Byvoorbeeld, “tol - die tol – tolle”.
Sien ook die bladsy Woordsoorte.

ʼn Samestelling (“sandsuiker”) is ʼn woord wat uit twee of meer woorddele (“sand” en “suiker”) bestaan. Samestellings moet vas geskryf word. ná
Sien ook die bladsy Samestellings.

Die hoflikheidsvorm "u" wat na mense verwys, word met 'n kleinletter geskryf.
Sien ook die bladsy Slegs kleinletter.

Kollokasies is woordkombinasies wat dikwels saam gebruik word, maar nie vaste uitdrukkings is nie, omdat die woorde se afsonderlike betekenis nie verander nie. Voorbeelde van kollokasies is: "toedrag van sake"; "met hart en siel"; "teen wil en dank"; en "met raad en daad".
Sien ook die bladsy Kollokasies.