’n Adjektief (oftewel byvoeglike naamwoord) beskryf die eienskap van die naamwoord. ’n Adjektief moet voor ’n selfstandige naamwoord kan staan, byvoorbeeld: Dit is die graf van die “oorlede” staatspresident.

Sien ook die bladsy Woordsoorte.

Wanneer 'n vreemde woord met 'n Afrikaanse woord verbind word, word 'n koppelteken gebruik. "A cappella" beteken oorspronklik 'van die kapel/klein kerkie', aangesien mense daar sonder begeleiding gesing het. Dit is 'n leenfrase uit Latyn (via Italiaans) en die oorspronklike skryfwyse (met dubbel-p en dubbel-l) word dus behou. In die AWS en die nuwe HAT (2015) word slegs hierdie skryfwyse erken.
Sien ook die bladsy Koppeltekens.

Werkwoorde wat uit meer as een lettergreep bestaan waarvan die klem nie op die eerste lettergreep val nie, kry nie ’n "ge-" in die verlede tyd nie (AWS 17.1).
Sien ook die bladsy Verlede tyd.

Kollokasies is woordkombinasies wat dikwels saam gebruik word, maar nie vaste uitdrukkings is nie, omdat die woorde se afsonderlike betekenis nie verander nie. Voorbeelde van kollokasies is: “van die uiterste belang”; “met hart en siel”; “teen wil en dank” en “met raad en daad”.
Sien ook die bladsy Kollokasies.