Assimilasie vind plaas wanneer twee verskillende klanke (soos die "n" en die "d" in "Donderdag") eenders uitgespreek en geskryf word.
Sien ook die bladsy Assimilasie.

Die idioom "die muggie uitsif, maar die kameel insluk" beteken dat jy iemand anders se klein foutjie veroordeel, maar self 'n groot sonde skaamteloos begaan het.
Die Engels is: "Strain at a gnat and swallow a camel".
(Bron: Spreekwoorde - Anton Prinsloo)
Sien ook die bladsy Idiome, spreuke en spreekwoorde.

Om verwarring te voorkom, word "e-pos" met 'n koppelteken geskryf. "Epos" (sonder 'n koppelteken) is 'n 'verhalende gedig waarin heldedade breedvoerig beskryf word'.
Sien ook die bladsy Koppeltekens.

Sinonieme is verskillende woorde wat min of meer dieselfde betekenis het, byvoorbeeld "refleksie - weerkaatsing".
Sien ook die bladsy Sinonieme.