Vreemde woorde wat verafrikaans word, word volgens die gewone Afrikaanse taalreëls gespel.
Sien ook die bladsy Verafrikaanste woorde.

Trappe van vergelyking volg gewoonlik ’n gevestigde patroon: Daar is die stellende trap, byvoorbeeld “komieklik”, die vergrotende trap, byvoorbeeld “komiekliker” en die oortreffende trap, byvoorbeeld “die komieklikste”. Sommige trappe van vergelyking volg egter nie die patroon nie, byvoorbeeld “goed” (stellende trap), “beter” (vergrotende trap) en beste (oortreffende trap).
Sien ook die bladsy Trappe van vergelyking.

Iemand wat van Stellenbosch kom, is 'n Stellenbosser met Stellenbosse gewoontes.
Sien ook die bladsy Afleidings van eiename.

’n Selfstandige naamwoord verwys na ’n persoon, plek of saak. ’n Mens kan dit gewoonlik uitken deurdat ’n mens ’n lidwoord (“’n” of “die”) voor die woord kan sit en dat dit 'n meervoudsvorm het. Byvoorbeeld, “veerkrag - die veerkrag – veerkragte”.
Sien ook die bladsy Woordsoorte.