Die woorddeel "reuse-" is nie 'n byvoeglike naamwoord nie, maar eerder 'n woorddeel van 'n selfstandige naamwoord. Om dit te bewys kan ons sien dat "reuse-" nie in die toets van 'n byvoeglike naamwoord val nie, in die sin dat dit nie na 'n koppelwerkwoord kan staan nie. Byvoorbeeld, 'n mens kan nie sê die fout is "reuse" nie. Dit het ook nie trappe van vergelyking nie.
Dit het ook nie trappe van vergelyking nie.
Bron: WAT/BA
Sien ook die bladsy Woordsoorte.

Die woord "gratifikasie" is nie 'n anglisisme nie en verwys na 'n som geld wat aan iemand uitbetaal word aan die einde van diens. Dit kom uit die Latyn "gratificatio" wat 'tevrede stel' of 'guns bewys' beteken.
Sien ook die bladsy Vertaling en terminologie.

Die uitdrukking "die eier wil slimmer wees as die hen" word gesê as 'n student sy/haar leermeester wil teregwys.
(Bron: Spreekwoorde - Anton Prinsloo.)
Sien ook die bladsy Idiome, spreuke en spreekwoorde.

Indien 'n sin met 'n syfer, getal of simbool begin, kry die daaropvolgende woord, of die eerste letter daarna, nie 'n hoofletter nie.
Sien ook die bladsy Slegs kleinletter.