'n "Masseur" is 'n man wat mense wat byvoorbeeld sportbeserings het, masseer.
Sien ook die bladsy Manlik/vroulik.

Die deelteken word in sommige Afrikaanse simplekse en afleidings gebruik waarin daar twee of meer aangrensende vokaalletters voorkom wat tot verskillende lettergrepe behoort en wat uitgespreek sou kon word asof hulle tot dieselfde lettergreep behoort. Die deelteken dui hier die begin van 'n nuwe lettergreep aan.
Sien ook die bladsy Klankverwarring.

Samestellende samestellings word vas geskryf en bestaan tipies uit ʼn woordgroep (byvoeglike naamwoord "tweedehandse" + selfstandige naamwoord "motor") en ʼn selfstandige naamwoord "gids". Indien 'n mens "tweedehandse motorgids" sou skryf, beteken dit ''n tweedehandse gids waarin motors verskyn' en nie ''n gids waarin tweedehandse motors verskyn' nie.
Sien ook die bladsy Samestellende samestellings.

Die woord "uitoefen" beteken 'laat geld'; die woord "beoefen" beteken 'toelê' of 'jou gereeld mee besig hou'; die woord "oefen" verwys na 'n fisieke aktiwiteit soos sport of 'n vaardigheid.
Sien ook die bladsy Twyfelwoorde (mits vs tensy).