Die afkappingsteken word gebruik by meervouds- en verkleiningsvorme van eiename wat eindig op "e" of "r(s)" wat nie uitgespreek word nie en waarvan die meervoud met onderskeidelik "e" of "s" gevorm word.
Sien ook die bladsy Afkappingsteken.

In 'n eienaamverbinding wat optree as soortnaam en wat bestaan uit 'n nie-eienaamgedeelte ("stoet") gevolg deur 'n eienaamgedeelte ("Jersey"), word die nie-eienaamgedeelte met 'n koppelteken vas aan die eienaamgedeelte geskryf ("stoet-Jersey"). Indien eienaamverbleking plaasgevind het, kan die twee dele ook sonder koppelteken vas geskryf word ("stoetjersey").
Sien ook die bladsy Eienaamsamestellings.

Wanneer 'n ampsbenaming ("direkteur-generaal") of die naam van 'n instelling ("staatsdepartement") 'n algemene verwysing is, word dit met 'n kleinletter geskryf.
Sien ook die bladsy Aanspreekvorme.

Tussenwerpsels is kort woorde, gewoonlik gevolg deur ʼn uitroepteken, wat ʼn bepaalde emosie aandui. Die woord "almiskie" is 'n uitroep dat die spreker sy standpunt handhaaf.
(Bron: HAT)
Sien ook die bladsy Tussenwerpsels.