ʼn Homoniem is twee woorde wat dieselfde klink en dieselfde gespel word, maar heeltemal ʼn ander betekenis en oorsprong het, byvoorbeeld “graaf” (‘tuinwerktuig’) en “graaf” (‘adellike titel’).
Sien ook die bladsy Lang/kort vokale.

'n Versamelnaam (of versamelwoord) is ’n selfstandige naamwoord wat ’n versameling dinge van dieselfde soort aandui. Die woord "pluksel" kan gebruik word vir voorwerpe wat 'n mens kan pluk, byvoorbeeld blomme, boontjies, ertjies, gras, hawer, katoen, lemoene, lusern, tee.
Bron: WAT
Sien ook die bladsy Versamelname.

Byvoeglike naamwoorde (soos "wit" of "warm") word gewoonlik los van selfstandige naamwoorde (soos "brood" of "kos") geskryf. Wanneer betekenisverdigting egter plaasgevind het, vorm die twee begrippe 'n eenheid en word hulle dan vas as een woord geskryf. Die woord "wittebrood" is 'n vaste begrip wat ontstaan het deur die betekenisverdigting van die twee woordelemente "wit(te)" en "brood" tot die konsep van 'n 'huweliksreis' of 'vakansie ná 'n troue'.
Sien ook die bladsy Betekenisverdigting.

Die woord "hersirkuleer" verwys na iets wat om en om in 'n sirkel beweeg, terwyl "hersikleer" beteken dat iets herwin ('recycle') word.
Sien ook die bladsy Twyfelwoorde (mits vs tensy).