Die werkwoord "afgelas" beteken 'om iets op te hef'. Volgens WAT word "afgelas" in alle werkwoordtye gebruik: Hy het die vergadering afgelas, sy gelas die vergadering af, hy sal die vergadering afgelas. In Nederlands is die infinitief "afgelasten".
Sien ook die bladsy Verlede tyd.

Indien die basis van 'n woord eindig op 'n enkele konsonantletter, voorafgegaan deur 'n lang, beklemtoonde vokaal, word daardie konsonantletter nie in afleidings van die basisvorm verdubbel nie.
Sien ook die bladsy Konsonantverdubbeling.

As die eerste komponent van 'n samestelling in die enkelvoud nie op 'n "-s" eindig nie en die tweede komponent met 'n "s" begin, word 'n verbindings"-s" nie geskryf nie.
Sien ook die bladsy Verbindingsklanke.

Volgens die AWS is die woorde "terugvoer" en "terugvoering" albei korrek en word as wisselvorme beskou, hoewel ander bronne 'n onderskeid mag maak.
ʼn Wisselvorm is ʼn alternatiewe skryfwyse van ʼn woord wat steeds korrek is, byvoorbeeld, “terugvoer – terugvoering”; “Mexiko – Meksiko”; “restaurant – restourant”; “teweegbring – teweeg bring”.
Sien ook die bladsy Wisselvorme.