Die woorddele "uit" en "klop" vorm saam ’n samestelling van ’n bywoord en ’n werkwoord en word dus vas geskryf.
Sien ook die bladsy Samestellings.

Wanneer twee vokale langs mekaar tot twee verskillende lettergrepe behoort, kry die tweede vokaal ʼn deelteken. Dit geld egter nie wanneer ’n “a” of ’n “o” voorafgegaan word deur ’n “a”, “o”, “e”, “u” of “i” nie, byvoorbeeld “dialek”, “geolie” en “aktuaris”. Dit geld ook nie vir samestellings nie, byvoorbeeld “studie-eenheid” en “toe-eien”.
Sien ook die bladsy Deelteken.

Die idioom "skouer aan/teen wiel sit" beteken' om alle kragte in te span'.
Dit is 'n wysiging van die Nederlandse "de hand aan het wiel leggen". Dit is waarskynlik versterk met die Voortrekkers wat letterlik skouer aan die wiel moes sit om deur moeilike driwwe en oor bulte te kom.
In Engels sê 'n mens: "Put one's shoulder to the wheel".
(Bron: Spreekwoorde - Anton Prinsloo)
Sien ook die bladsy Idiome, spreuke en spreekwoorde.

Die eerste woord in 'n sin, solank as wat dit nie 'n syfer, getal of simbool is nie, begin met 'n hoofletter.
Sien ook die bladsy Sinsbegin.