ʼn Homoniem is twee woorde wat dieselfde klink en dieselfde gespel word, maar heeltemal ʼn ander betekenis en oorsprong het, byvoorbeeld “drag” (‘'n hoeveelheid van iets om te dra’) en “drag” (‘die vrugte wat 'n boom dra’).
Bron: HAT6
Sien ook die bladsy Homonieme.

Trappe van vergelyking volg gewoonlik ’n gevestigde patroon: Daar is die stellende trap, byvoorbeeld “aaklig”, die vergrotende trap, byvoorbeeld “aakliger” en die oortreffende trap, byvoorbeeld “aakligste”.
Sien ook die bladsy Trappe van vergelyking.

Dae van die week, die name van kerklike, godsdienstige en algemene feesdae word met ʼn hoofletter geskryf. Die fees van "Eid' oel Fiter" volg op Ramadaan en word gekenmerk deur gebede, feesvieringe en uitdeel van aalmoese aan armes.
Sien ook die bladsy Feesdae.

’n Selfstandige naamwoord verwys na ’n persoon, plek of saak. ’n Mens kan dit gewoonlik uitken deurdat ’n mens ’n lidwoord (“’n” of “die”) voor die woord kan sit en dat dit 'n meervoudsvorm het. Byvoorbeeld, "vlaag - die vlaag - vlae".
Sien ook die bladsy Woordsoorte.