Klankverwarring lei dikwels tot spelfoute, aangesien twee letters dieselfde uitgespreek word in Afrikaans. Een van die algemene pare wat verwar word, is 'y/ei'. Die woord "verrykend" beteken om jou kennis in iets uit te brei. Daarteenoor beteken sy homofoon "verreikend" 'wat groot gevolge inhou'.

Sien ook die bladsy Klankverwarring.

Sommige werkwoorde neem nie die voorvoegsel "ge-" in die verlede tyd nie. Dit sluit woorde in wat in die teenwoordige tyd begin met "ver-", "be-", "ge-", "her-", "er-", "ont-", "weer-" en "onder-".
Sien ook die bladsy Verlede tyd.

Aan sommige name word 'n bepaling toegevoeg wat deel van die naam van die betrokke persoon word; dit word 'n toenaam genoem. In so 'n geval begin die hoofdele van die toenaam (byvoorbeeld telwoorde of byvoeglike naamwoorde, maar nie lidwoorde nie) met 'n hoofletter.
"Grote" verwys na iets of iemand wat groot is ('a big/large one'), terwyl "grootte" na die omvang verwys ('size').
Sien ook die bladsy Persoonsname.

Die woord "parapleeg" verwys na iemand wat net sy/haar bolyf (arms en hande) kan gebruik, maar nie sy/haar bene nie; die woord "kwadrupleeg" verwys na iemand wat die gebruik van al vier sy/haar ledemate verloor het.
Sien ook die bladsy Twyfelwoorde (mits vs tensy).