Mobiele weergawe | Na groot weergawe







Antwoorde van 04-05-2020 (vlak 3)



vorige toets 04 MEI volgende toets
(klik op 'n pyltjie om na 'n ander datum te blaai)


Die deelnemers op vlak 3 het die toets van 04-05-2020 só ingevul:



'n Reeks smeekgebede deur ’n priester voorgelees en afgewissel deur kort antwoorde van ’n gemeente of koor noem ons 'n ........ .



2 %litaanie
21 % (afgerond)litani
76 % (afgerond)litanie 
1 % (afgerond)litaani

Vreemde woorde wat verafrikaans word, word volgens die gewone Afrikaanse taalreëls gespel.
Die woord "litanie" (met die klem op die laaste lettergreep) kom uit die Griekse "lite" wat 'gebed' beteken.
Sien ook die bladsy Verafrikaanste woorde.




Anna probeer my al weer ........ om die oë smeer.


86 % (afgerond)salf 
10 % (afgerond)olie
1 %grimering
4 % (afgerond)poeier

Die idioom "iemand salf om die oë smeer" beteken ‘om iemand te probeer kul’. Die Engelse weergawe van hierdie idioom is, ‘Try to hoodwink someone’. (Bron: Spreekwoorde - Anton Prinsloo)
Sien ook die bladsy Idiome, spreuke en spreekwoorde.




Al meer boere pas deesdae ........ toe.


94 % (afgerond)droëlandboerdery 
4 % (afgerond)droëland boerdery
2 % (afgerond)droë landboerdery
droë land boerdery

Samestellende samestellings word vas geskryf en bestaan tipies uit ʼn woordgroep (byvoeglike naamwoord "droë" + selfstandige naamwoord "land") en ʼn selfstandige naamwoord "boerdery".
Sien ook die bladsy Samestellende samestellings.




Die nuwe onderwyser het geen insig in die leerders se probleme nie.
Wat is die woordsoort van "insig" in bostaande sin?



89 % (afgerond)abstrakte naamwoord 
2 %eienaam
2 % (afgerond)maatnaam
8 % (afgerond)soortnaam

Abstrakte naamwoorde is selfstandige naamwoorde wat abstrakte oftewel ontasbare dinge benoem, byvoorbeeld "insig", "godsdiens", "woede" ens.
Sien ook die bladsy Woordsoorte.




TOTAALRESULTAAT:
86% korrek

Verduideliking van die kleure en simbole:
KORREK GEKIESdie korrekte antwoord (deur jou gekies)
DIE KORREKTE ANTWOORDdie korrekte antwoord (nie deur jou gekies nie)
VERKEERD GEKIES'n verkeerde antwoord (deur jou gekies)
Verkeerd.'n verkeerde antwoord (nie deur jou gekies nie)





Hulp / Kontak  |  Profiel  |  






© 2013 Beter Afrikaans is 'n gesamentlike onderneming tussen die ATKV, VivA en Martin van Toll Producties