In 'n sin met 'n voorwerp is die werkwoord oorganklik, byvoorbeeld: Jeanine plak prente in haar boek. 'n Mens kan dit vasstel as daar 'n antwoord op die vraag "Wat?" na die werkwoord is. Indien die sin nie 'n voorwerp het nie, is die werkwoord onoorganklik, byvoorbeeld: Jeanine plak ywerig. 'n Mens kan dit maklik vasstel as daar 'n antwoord op die vraag "Hoe?" na die werkwoord is.

Sien ook die bladsy Woordsoorte.

ʼn Samestelling (“swaartekrag”) is ʼn woord wat uit twee of meer woorddele (“swaarte” en “krag”) bestaan. Samestellings moet vas geskryf word.
Sien ook die bladsy Samestellings.

Die “-kie”-morfeem word net in verkleiningsvorme gebruik wanneer daar ʼn “ng”-klank aan die einde van ʼn meerlettergrepige woord voorkom; die “g” word dan vervang met “-kie”, byvoorbeeld “woning” word “woninkie”.
Sien ook die bladsy Verkleiningsvorme.

Kollokasies is woordkombinasies wat dikwels saam gebruik word, maar nie vaste uitdrukkings is nie, omdat die woorde se afsonderlike betekenis nie verander nie. 'n Mens lewer iemand "aan" iemand anders uit.
Sien ook die bladsy Kollokasies.