’n Selfstandige naamwoord verwys na ’n persoon, plek of saak. ’n Mens kan dit gewoonlik uitken deurdat ’n mens ’n lidwoord (“’n” of “die”) voor die woord kan sit en dat dit 'n meervoudsvorm het. Byvoorbeeld, “ekstremis - die ekstremis – ekstremiste”.
Sien ook die bladsy Woordsoorte.

ʼn Samestelling (“tabletrekenaar”) is ʼn woord wat uit twee of meer woorddele (“tablet” en “rekenaar”) bestaan. Samestellings moet vas geskryf word.
Sien ook die bladsy Samestellings.

Die eerste woord van ʼn sin begin met ʼn hoofletter, tensy die sin met die onbepaalde lidwoord " ʼn" begin – dan kom die hoofletter ná die onbepaalde lidwoord.
Sien ook die bladsy Sinsbegin.

Kollokasies is woordkombinasies wat dikwels saam gebruik word, maar nie vaste uitdrukkings is nie, omdat die woorde se afsonderlike betekenis nie verander nie. Voorbeelde van kollokasies is: "geduldig, gedienstig, gedwee"; "met hart en siel"; "teen wil en dank" en "met raad en daad".
Sien ook die bladsy Kollokasies.