By afleidings of fleksievorme waar 'n opeenvolging van vokaalletters voorkom wat tot verskillende lettergrepe behoort, maar uitgespreek sou kon word asof hulle tot dieselfde lettergreep behoort, word die deelteken vir skeiding tussen die woorddele gebruik (bv. "toegeëien").
Die koppelteken word egter by samestellings gebruik waar so 'n opeenvolging van vokaalletters tussen die samestellende woorde voorkom (bv. "toe-eien"). (Bron: AWS 5.5)
Sien ook die bladsy Deelteken.

Samestellings met 'n afkorting, simbool of syfer, word vas met 'n koppelteken geskryf, byvoorbeeld "20-literhouers", "F16-vegvliegtuig" (AWS 14.5).
Sien ook die bladsy Koppeltekens.

'n Ampsbenaming ("direkteur-generaal") wat na 'n individu verwys, of die naam van 'n instelling ("behuising"), begin tradisioneel met 'n hoofletter. Sedert die 2009-AWS is daar egter geen definitiewe reël meer hieroor nie; dit is dus moontlik om dit met 'n hoof- of kleinletter te skryf.
Sien ook die bladsy Aanspreekvorme.

Makoue en gans blaas, varke snork en hiënas lag.
Sien ook die bladsy Dieregeluide.