04 OKT (klik op 'n pyltjie om na 'n ander datum te blaai)
Die deelnemers op vlak 3 het die toets van 04-10-2024 só ingevul:
Voordat ek formeel kon begin werk, moes ek ........ ondergaan.
drie maande basiese opleiding
driemaandebasiese opleiding
driemaandebasiese-opleiding
driemaande- basiese opleiding
Wanneer maatbepalings gevolg word deur 'n byvoeglike naamwoord word dit los geskryf, byvoorbeeld "drie maande basiese opleiding", "baie eeue lank", "'n kilometer diep myn". AWS2017 15.42.
Sien ook die bladsy Samestellings.
ʼn Versperring in 'n pad wat verhoed dat ʼn oproerige skare verby kan kom, is 'n ........ .
blokkade
kordon barrikade
Die polisie gebruik "barrikades" om oproeriges in bedwang te bring; hulle hou "blokkades" om voertuie te deursoek. "Versperrings" is bome of ander voorwerpe wat in 'n pad lê. (Bron: Skryf Afrikaans A tot Z)
Sien ook die bladsy Vertaling en terminologie.
Sy het die ........ van haar ouma geërf.
Familiebybel
Familie-Bybel
familie-Bybel
familiebybel
Samestellings met "-bybel" as laaste deel begin met 'n hoofletter indien dit na die Bybel verwys, byvoorbeeld "Familiebybel" of "Kanselbybel". Indien so 'n samestelling egter na 'n gids of handleiding verwys, word dit met 'n kleinletter geskryf, byvoorbeeld "wiskundebybel" of "kookkunsbybel".
Sien ook die bladsy Slegs hoofletter.
Verduideliking van die kleure en simbole:
die korrekte antwoord (deur jou gekies)
die korrekte antwoord (nie deur jou gekies nie)
'n verkeerde antwoord (deur jou gekies)
'n verkeerde antwoord (nie deur jou gekies nie)