'n Persoon wat ander mense "bedrieg" word 'n "bedrieër" genoem en sy/haar optrede is "bedrieglik". So 'n persoon pleeg gewoonlik "bedrog" en die slagoffers kom "bedroë" daarvan af.
Sien ook die bladsy Twyfelwoorde (mits vs tensy).

Die idioom "aan die krip staan", beteken 'goed versorg wees' of ''n goeie pos hê'.
(Bron: Spreekwoorde - Anton Prinsloo)
Sien ook die bladsy Idiome, spreuke en spreekwoorde.

Samestellings met ’n syfer of simbool ("G-mineur") word met ’n koppelteken geskryf. Die naam van die toonsoort word volgens die AWS altyd met 'n hoofletter geskryf, hoewel in sommige musiekkringe mineurtoonsoorte met kleinletters geskryf word om dit van majeurtoonsoorte te onderskei.
Sien ook die bladsy Koppeltekens.

'n Akroniem is 'n afkorting wat as 'n woord (letterklankwoord) of as letters (letternaamwoord) uitgespreek word. "VVV" is 'n letternaamwoord, d.w.s. die name van die letters word gebruik om die woord ("vee-vee-vee") uit te spreek. Agterin die "Afrikaanse Woordelys en Spelreëls" verskyn 'n omvattende lys van afkortings en akronieme.
Sien ook die bladsy Akronieme.