Trappe van vergelyking volg gewoonlik ’n gevestigde patroon: Daar is die stellende trap, byvoorbeeld “rusteloos”, die vergrotende trap, byvoorbeeld “rusteloser” en die oortreffende trap, byvoorbeeld “die rusteloosste”.
Sien ook die bladsy Trappe van vergelyking.

In geslote lettergrepe (soos in die woord “debuut”) word lang klanke verdubbel om aan te dui dat hulle lank uitgespreek word (AWS 16.1).
Sien ook die bladsy Lang/kort vokale.

Hoewel die woord "drywer" in die omgangstaal baiekeer in plaas van "bestuurder" gebruik word, word dit nie aanbeveel nie, byvoorbeeld "vragmotorbestuurder", "busbestuurder". Die persoon wat in beheer van 'n trein is, is 'n "masjinis". 'n Sinoniem vir motorbestuurder is "motoris".

Sien ook die bladsy Persoonsname.

Die onderbreking by 'n konsert of tydens skoolure word 'n "pouse" genoem. Die afstand tussen twee note is 'n "interval". 'n "Breuk" is iets wat gebreek het. Die woord "intermezzo" is 'n musiekterm wat verwys na 'n komposisie wat gewoonlik tussen twee bedrywe van 'n opera, ballet of dergelike uitgevoer word, byvoorbeeld die "Intermezzo" uit Cavelaria Rusticana.
Bron: HAT6
Sien ook die bladsy Twyfelwoorde (mits vs tensy).