Dis nie altyd so dat 'n opeenhoping van vokale die uitspraak of lees van woorde bemoeilik nie, maar indien die gebruiker voel die moontlikheid vir verwarring bestaan, kan 'n koppelteken gebruik word.
Sien ook die bladsy Vokaalopeenhoping.

Die idioom, "nie werd om iemand se skoenriem vas te maak nie," beteken 'heeltemal iemand se mindere wees. Die idioom kom uit die Bybel waar Johannes die Doper die woorde ten opsigte van Jesus gebruik.
Bron: Spreekwoorde - Anton Prinsloo
Sien ook die bladsy Idiome, spreuke en spreekwoorde.

Wanneer 'n woordgroep bestaan uit 'n byvoeglike naamwoord (of telwoord) en selfstandige naamwoord wat in 'n samestelling as bepaler by 'n volgende selfstandige naamwoord optree, word al drie elemente vas geskryf. Ons noem dit 'n samestellende samestelling.

Sien ook die bladsy Samestellende samestellings.

Vreemde woorde wat verafrikaans word, word volgens die gewone Afrikaanse taalreëls gespel.
Sien ook die bladsy Vreemde woorde.