’n Adjektief of byvoeglike naamwoord beskryf die eienskap van die naamwoord. ’n Adjektief moet voor ’n selfstandige naamwoord kan staan, byvoorbeeld: Dit is ’n “amusante” verhaal. Adjektiewe het ook trappe van vergelyking, byvoorbeeld: “amusant”, “amusanter”, “die amusantste”.
Sien ook die bladsy Woordsoorte.

Byvoeglike naamwoorde (soos "harde") word gewoonlik los van selfstandige naamwoorde (soos "koejawel") geskryf. Wanneer betekenisverdigting egter plaasgevind het (dit wil sê as die begrip ʼn spesifieke betekenis kry), vorm die twee begrippe ʼn eenheid en word hulle vas geskryf. 
Sien ook die bladsy Betekenisverdigting.

Skeibare werkwoorde wat die hoofklem op die eerste lettergreep het, vorm die voltooide deelwoord met “-ge-” (AWS 17.2).
Sien ook die bladsy Deelwoorde.

ʼn Versameling appels is ʼn pluksel, babahondjies is ʼn werpsel, ʼn klomp wasgoed is ʼn bondel en ʼn versameling gedigte is ʼn bundel. (Bron: Die Afrikaanse Makro Gids - I Uys)

Sien ook die bladsy Kollokasies.