Samestellende samestellings word vas geskryf en bestaan tipies uit ʼn woordgroep (byvoeglike naamwoord + selfstandige naamwoord) en ʼn selfstandige naamwoord, byvoorbeeld "hoëhakskoen", "plaaslikeregeringsverkiesing", "konstantesnelheidslasas".
Sien ook die bladsy Samestellende samestellings.

'n Kommapunt kom in die middel van 'n sin voor. Daar is 'n belangrike verband tussen die dele voor en ná die kommapunt, selfs al lyk die twee na twee volwaardige sinne wat ook los van mekaar sou kon staan.
Sien ook die bladsy Kommapunt.

Die idioom "iemand se rieme is los" beteken 'iemand is verlief'.
(Bron: Spreekwoorde - Anton Prinsloo)
Sien ook die bladsy Idiome, spreuke en spreekwoorde.

Na 'n titel word die eerste lid van 'n meerledige van (soos "van der Merwe") altyd met 'n hoofletter geskryf, tensy daar 'n voorletter of naam voor die van voorkom (byvoorbeeld "Ds. Jan van der Merwe").
Sien ook die bladsy Slegs hoofletter.