Die woorde “wed” en “wet” is homofone, aangesien hulle dieselfde uitgespreek word, maar verskillende betekenisse en spellings het. Die woord "wet" verwys na 'n 'regboek' en die woord "wed" is om 'iets waardevols op 'n kansspel verwed'.
Sien ook die bladsy Homofone.

Die idioom "iemand/iets onder die lat kry", beteken 'iemand/iets met die lat slaan'.
(Bron: Spreekwoorde - Anton Prinsloo)
Sien ook die bladsy Idiome, spreuke en spreekwoorde.

Samestellende samestellings word vas geskryf en bestaan tipies uit 'n woordgroep (byvoeglike naamwoord + selfstandige naamwoord) en 'n selfstandige naamwoord.
Sien ook die bladsy Samestellende samestellings.

Die byvoeglike naamwoord "kritiek" slaan op iets gevaarliks: Die beseerde se toestand is "kritiek". Die woord "krities" slaan op 'n ingesteldheid: Iemand is "krities" teenoor iets wanneer hy kritiek lewer.
(Bron: Skryf Afrikaans A tot Z)
Sien ook die bladsy Twyfelwoorde (mits vs tensy).