Ingevolge reël 12.21 in die AWS skryf ons "huis-toe-gaan-tyd" of "huis-toe-gaantyd".
Dit is 'n sogenaamde frasesamestelling, waar die frase "huis toe gaan" met "tyd" verbind. Ander soortgelyke gevalle is: "deur-tot-deurverkope, wag-'n-bietjiebos, help-my-fris-lykhempie", ensovoorts.

Sien ook die bladsy Koppeltekens.

In 'n sin met 'n voorwerp is die werkwoord oorganklik, byvoorbeeld: Piet skop die bal oor die muur. 'n Mens kan dit vasstel as daar 'n antwoord op die vraag "Wat?" na die werkwoord is. Indien die sin nie 'n voorwerp het nie, is die werkwoord onoorganklik, byvoorbeeld: Hulle krepeer op die plaas.
Sien ook die bladsy Woordsoorte.

Hierdie uitdrukking verwys nie na die klere wat 'n lyk in 'n kis aanhet nie. Vroeër het die mense hulle beste klere in 'n kis gebêre, en dit net uitgehaal vir deftige geleenthede.
In Engels verwys hulle na: "One's Sunday best."
(Bron: Spreekwoorde - Anton Prinsloo)
Sien ook die bladsy Idiome, spreuke en spreekwoorde.

In gevalle van eienaamverbleking (waar 'n eienaam figuurlik gebruik word) word die woord gewoonlik met 'n kleinletter geskryf.
Sien ook die bladsy Hoof- of kleinletter.