"Dadelik" en "terstond" is sinonieme. 'n Ander sinoniem vir "dadelik" is "onmiddellik".
Sien ook die bladsy Sinonieme.

Trappe van vergelyking volg gewoonlik ’n gevestigde patroon: Daar is die stellende trap, byvoorbeeld “onbegaanbaar”, die vergrotende trap, byvoorbeeld “onbegaanbaarder” en die oortreffende trap, byvoorbeeld “die onbegaanbaarste”. Sommige trappe van vergelyking volg egter nie die patroon nie, byvoorbeeld “goed” (stellende trap), “beter” (vergrotende trap) en beste (oortreffende trap).
Sien ook die bladsy Trappe van vergelyking.

Hoewel die woord "drywer" in die omgangstaal baiekeer in plaas van "bestuurder" gebruik word, word dit nie aanbeveel nie, byvoorbeeld "vragmotorbestuurder", "busbestuurder". Die persoon wat in beheer van 'n trein is, is 'n "masjinis". 'n Sinoniem vir motorbestuurder is "motoris".

Sien ook die bladsy Persoonsname.

’n Adjektief of byvoeglike naamwoord beskryf die eienskap van die naamwoord. ’n Adjektief moet voor ’n selfstandige naamwoord kan staan, byvoorbeeld: Dit is ’n “steriele” egpaar. Adjektiewe het meestal ook trappe van vergelyking, hoewel die woord "steriel" nie trappe van vergelyking het nie.
Sien ook die bladsy Woordsoorte.