Eienaamverbindings met 'n syfer of simbool as eerste lid en 'n eienaam as die ander lid word met 'n koppelteken vas geskryf.
Sien ook die bladsy Eienaamsamestellings.

Wanneer twee vokale langs mekaar tot twee verskillende lettergrepe behoort, kry die tweede vokaal ʼn deelteken. Dit geld egter nie wanneer ’n “a” of ’n “o” voorafgegaan word deur ’n “a”, “o”, “e”, “u” of “i” nie, byvoorbeeld “chaos”, “geolie” en “aktuaris”. Dit geld ook nie vir samestellings nie, byvoorbeeld “studie-eenheid” en “toe-eien”.
Sien ook die bladsy Deelteken.

Kollokasies is woordkombinasies wat dikwels saam gebruik word, maar nie vaste uitdrukkings is nie, omdat die woorde se afsonderlike betekenis nie verander nie. Voorbeelde van kollokasies is: “rasend honger”; “spoorloos verdwyn”; “teen wil en dank” en “met raad en daad”.
Sien ook die bladsy Kollokasies.

Hierdie pleknaam word in Afrikaans as "Nieu-Seeland" geskryf en bevat nie 'n "z" soos in die Engelse vorm ("New Zealand") nie. Nieu-Seeland is oorspronklik vernoem na die provinsie Seeland in Nederland.
Sien ook die bladsy Plekname.