Die afkappingsteken word gebruik by meervouds- en verkleiningsvorme van eiename wat eindig op "e" of "r(s)" wat nie uitgespreek word nie en waarvan die meervoud met onderskeidelik "e" of "s" gevorm word.
Sien ook die bladsy Afkappingsteken.

Samestellende samestellings kom voor waar 'n woordgroep ("vars produkte") en 'n ander woord ("mark") verbind. Die woordgroep kan, soos in hierdie geval, bestaan uit 'n adjektief en 'n selfstandige naamwoord. Juis omdat die woordgroep optree as die bepaler in die samestelling, word dit vas aan die kern geskryf.
Sien ook die bladsy Samestellende samestellings.

Geografiese name, byvoorbeeld van provinsies en streke, begin met 'n hoofletter. Waar 'n rigting deel van 'n naam is, word die rigtingdeel met ‘n koppelteken aan die res van die naam geskryf, byvoorbeeld “Wes-Kaap”, “Somerset-Wes”, “Aliwal-Noord”. (AWS 9.14)
Lees meer oor Tilburg by: https://af.wikipedia.org/wiki/Tilburg
Sien ook die bladsy Plekname.

Die idioom "waar die hoof nie is nie, word die baard nie geskeer nie, beteken 'as 'n mens jou belange nie behartig nie, word dit verwaarloos'.
(Bron: Spreekwoorde - Anton Prinsloo)
Sien ook die bladsy Idiome, spreuke en spreekwoorde.