Die woord "dubbel" is 'n selfstandige naamwoord. Wanneer dit in kombinasie met nog 'n selfstandige naamwoord geskryf word ("dubbel + motorhuis") vorm dit 'n samestelling en word dit vas geskryf. Die woord "dubbele" is egter 'n byvoeglike naamwoord en word gewoonlik los van die selfstandige naamwoord wat dit beskryf, geskryf.
Sien ook die bladsy Samestellings.

'n Kommapunt kom gewoonlik in die middel van 'n sin voor. Daar is 'n belangrike verband tussen die dele voor en ná die kommapunt, selfs al lyk die twee na twee volwaardige sinne wat ook los van mekaar sou kon staan.
Sien ook die bladsy Kommapunt.

Die woord "berokken" beteken iets onaangenaams 'veroorsaak' of 'teweegbring' en word baiekeer saam met die woord "skade" gebruik.
Sien ook die bladsy Kollokasies.

Die inwoners van China word Chinese genoem en het Chinese gewoontes. Die spelling "Sjina" en "Sjinese" word nie meer deur die AWS erken nie.
Sien ook die bladsy Afleidings van eiename.