Byvoeglike naamwoorde (soos "geel") word gewoonlik los van selfstandige naamwoorde (soos "slangetjie") geskryf. Wanneer betekenisverdigting egter plaasgevind het (dit wil sê as die begrip ʼn spesifieke betekenis kry), vorm die twee begrippe ʼn eenheid en word hulle vas geskryf. Die name van plante en diere het gewoonlik betekenisverdigting ondergaan.
Sien ook die bladsy Betekenisverdigting.

Die afkappingsteken (of apostroof) word by meervoude en verkleinwoorde gebruik van woorde wat op die letters "i", "o", "u" en 'n beklemtoonde "a" eindig. Woord wat op 'n diftong (soos "eu") eindig, kry nie die afkappingsteken nie.
'n "Keu" is 'n biljartstok.
Sien ook die bladsy Afkappingsteken.

Die vroulike vorm van "profeet" is "profetes". Ander soortgelyke vorme is "prinses", "digteres", "priesteres" en "minnares".
Sien ook die bladsy Persoonsvorme.

Geografiese name, byvoorbeeld van eilande, begin met 'n hoofletter.
Sien ook die bladsy Plekname.