ʼn Wisselvorm is ʼn alternatiewe spelling van ʼn woord wat steeds korrek is, byvoorbeeld "gare – garing", "Mexiko – Meksiko", "restaurant – restourant", "agtelosig – agterlosig".
Sien ook die bladsy Wisselvorme.

Woorde wat op “l”, “m”, “n”, of “r” eindig, voorafgegaan deur 'n kort beklemtoonde vokaal [a, ε, ɔ, ә,] vorm die verkleiningsvorm met “-etjie”. Die slotkonsonant van die stam word verdubbel om die voorafgaande vokaal kort te hou. (AWS 15.7)
Sien ook die bladsy Verkleiningsvorme.

Die idioom "iemand se doopseel lig" beteken ‘iemand se ongunstige verlede openbaar maak’. (Bron: Spreekwoorde - Anton Prinsloo) Die woord "doopseel" word altyd sonder ’n deelteken geskryf.
Sien ook die bladsy Idiome, spreuke en spreekwoorde.

'n Bywoord beskryf die werkwoord of 'n adjektief. 'n Mens kan bepaal of 'n woord 'n bywoord is deur te kyk of die woord die vraag "Hoe?" van die werkwoord of adjektief beantwoord.
Sien ook die bladsy Woordsoorte.