Wanneer die byvoeglike naamwoord attributief gebruik word, soos in dié geval, kry die byvoeglike naamwoord 'n "-e" aan die einde: "'n veelseggende kyk". Wanneer die byvoeglike naamwoord predikatief gebruik word, kry dit nie 'n "-e" aan die einde nie: "Oupa se kyk na Ouma was veelseggend."
Sien ook die bladsy Deelwoorde.

Soms word woorde van vreemde herkoms net gedeeltelik verafrikaans, byvoorbeeld “akkommodasie”, “hidroulies” en “kwadrupleeg”. Die woord "akkommodasie" kom van die Latyn "commodus", vandaar die spelling.
(Bron: HAT)
Sien ook die bladsy Konsonantverdubbeling.

As jy 'n groot lawaai maak of woes baljaar, gebruik ons die uitdrukking "te kere gaan". Jy kan dit ook "tekere gaan" of "tekeregaan" skryf.
Sien ook die bladsy Betekenisverdigting.

Sinonieme is woorde met min of meer dieselfde betekenis. "Funes" beteken 'verderflik, noodlottig, rampsalig'; "bomatig" is 'buitengewoon'; "miniem" is 'buitengewoon klein, onbeduidend, gering'.
Sien ook die bladsy Sinonieme.