In 'n sin met 'n voorwerp is die werkwoord oorganklik, byvoorbeeld: Piet skop die bal oor die muur. 'n Mens kan dit vasstel as daar 'n antwoord op die vraag "Wat?" na die werkwoord is. Indien die sin nie 'n voorwerp het nie, is die werkwoord onoorganklik, byvoorbeeld: Die ganse snater asof iets hulle hinder. Daar is nie 'n antwoord op die vraag "Wat?" nie.
Sien ook die bladsy Woordsoorte.

In die betekenis "op ’n keer" vind betekenisverdigting met ’n telwoord plaas en "eenkeer" word vas geskryf.
Sien ook die bladsy Samestellings.

Trappe van vergelyking volg gewoonlik ’n gevestigde patroon: Daar is die stellende trap, byvoorbeeld “knap”, die vergrotende trap, byvoorbeeld “knapper” en die oortreffende trap, byvoorbeeld “die knapste”. In die oortreffende trap word die woord "mees" nooit saam met "-ste" gebruik nie.
Sien ook die bladsy Trappe van vergelyking.

'n Mens bring iemand "in" of "na" veiligheid, en doen iets "met" veiligheid.
(Bron: Voorsetselwoordeboek)
Sien ook die bladsy Kollokasies.