In Afrikaans praat ons van die "skewe toring van Pisa"; die "leunende toring van Pisa" is anglisisties aangesien dit net so van die Engels "leaning tower of Pisa" kom.
Sien ook die bladsy Anglisismes.

Sommige samestellings word met 'n verbindings-s geskryf, ander daarsonder en by sommige is die verbindings-s opsioneel.
Interessant om te weet: "pastei" (met al sy samestellings; 'wilds-'; 'hoender-'; 'spinasie-' ensovoorts) is die enigste woord in Afrikaans wat op "-stei" eindig.
Sien ook die bladsy Verbindingsklanke.

Trappe van vergelyking volg gewoonlik ’n gevestigde patroon: Daar is die stellende trap, byvoorbeeld “fanaties”, die vergrotende trap, byvoorbeeld “fanatieser” en die oortreffende trap, byvoorbeeld “die fanatiesste”.
Sien ook die bladsy Trappe van vergelyking.

Die idioom "iemand het aalwyn getap" beteken iemand is verbitterd of in 'n slegte bui.
Bron: Spreekwoorde - Anton Prinsloo
Sien ook die bladsy Idiome, spreuke en spreekwoorde.