Die deelteken word in sommige Afrikaanse simplekse en afleidings gebruik waarin daar twee of meer aangrensende vokaalletters voorkom wat tot verskillende lettergrepe behoort en wat uitgespreek sou kon word asof hulle tot dieselfde lettergreep behoort. Die deelteken dui hier die begin van 'n nuwe lettergreep aan.
Sien ook die bladsy Klankverwarring.

'n "Kolonel-generaal" is 'n spesifieke soort kolonel en daarom word die meervoud op "kolonel" gevorm.
Sien ook die bladsy Meervoudsvorme.

Sommige buitelandse plekname word verafrikaans, soos byvoorbeeld "Straatsburg", die hoofstad van die Franse streek Elsas. Die Franse naam van hierdie stad wat histories ook vir lang periodes aan Duitsland behoort het, heet "Strasbourg". Die Duitse weergawe daarvan is "Strassburg" of "Straßburg". (Bron: http://af.wikipedia.org/wiki/Straatsburg)

Sien ook die bladsy Plekname.

Die woord "chauffeur" kom uit Frans en verwys na 'n gehuurde motorbestuurder. Die werkwoord is "chauffeer".
Sien ook die bladsy Vreemde woorde.