'n Werkwoord benoem die aksie of proses in 'n sin. Een manier om vas te stel of 'n woord 'n werkwoord is, is om te kyk of daar 'n verledetydsvorm van die woord bestaan, wat gewoonlik met "ge-" aangedui word, byvoorbeeld "sneeu - gesneeu".
Sien ook die bladsy Woordsoorte.

ʼn Samestelling (“misverstaan”) is ʼn woord wat uit twee of meer woorddele (“mis” en “verstaan”) bestaan. Samestellings moet vas geskryf word.
Sien ook die bladsy Samestellings.

Dae van die week, die name van kerklike, godsdienstige en algemene feesdae word met ʼn hoofletter geskryf.
Sien ook die bladsy Slegs hoofletter.

As jy groot skrik, sê ons jy skrik jou "boeglam", "spierwit", "morsdood", "asvaal" of "yskoud". Jy kan jouself ook "boeglam" of "pootuit" werk as jy hard werk. Uit Ndl: lam in die boeë.

Sien ook die bladsy Intensiewe vorme.