'n Werkwoord benoem die aksie of proses in 'n sin. Een manier om vas te stel of 'n woord 'n werkwoord is, is om te kyk of daar 'n verledetydsvorm van die woord bestaan, wat gewoonlik met "ge-" aangedui word. Sommige woorde, soos "verwittig", kry egter nie 'n "ge-" vooraan nie.
Sien ook die bladsy Woordsoorte.

ʼn Samestelling ("sonsondergang") is ʼn woord wat uit twee of meer woorddele ("son" en "ondergang") bestaan. Samestellings moet vas geskryf word. Soms kom daar ’n verbindingsklank ("-s-") voor.
Sien ook die bladsy Verbindingsklanke.

Die dae van die week ("Woensdag"), name van kerklike, godsdienstige en algemene feesdae word met ʼn hoofletter geskryf.
Sien ook die bladsy Feesdae.

Vergelykings is stylfigure wat gebruik word om dinge met mekaar te vergelyk en kan uitgeken word aan die woord “soos”. Byvoorbeeld, 'so lig soos 'n veer'.
Sien ook die bladsy Vergelykings.